नरभक्षी बहनें Narbhakshi Sisters Russian Horror Story
Yah Kahani world war 2 ki hai, jab Russia Ke Leningrad ki Gherabandhi ki Gayi Thi. Tab us samay ek khaufnak ghatna ghati thi.(aaj leningrad shahar ko saint petersburg ke nam se jana jata hai.)
Mere dadaji russia se the. Unka janm russia ke leningrad shahar me hua tha. Aur world war 2 ke samay vo us jagah rehte the. Jab hum bachche the,tab vo hame apne bachpan ke bare mein kai kahaniya batate the. Unki ek aisi kahani thi , jisne mujhe sach me dara diya tha. Unhone yah kahani kewal ek bar batai aur fir iske bare me baat karne sey mana kr diya, lekin unhone kasam khakar kaha tha ki yah kahani bilkul sach hai.
World war-2 ke samay, sitambar 1941 me, German sena ne leningrad shahar ko gher liya tha aur sabhi sadko ko band kr diya tha. koi bhi andar yaa bahar nahin nikal sakta tha.Ve ise “leningrad ki gherabandi” kahte the. Yeh itihas ki sabse lambe samay tak rahne wali aur sabse vinashakari gherabandi me se ek thi.
Hitler Ne Shahar ko seize Karne ka Nishachay Kar Liya Tha. Aur use is baat ki koi parvah nahin thi ki isse kitani imarton nasht ho jayegni aur kitne masoom log mare jayenge. Darasal, uski yojana sabhi supplies ko katkar puri abadi ko maut ke ghat utarane ki thi. Iske ek saal baad, lagbhag 100,000 se jyada logo mare ja chuke the. Aur sadke sadi hui lashon se bhar chuki thi.
Leningrad ki gherabandi ke samay mere dada ji sirph 6 saal ke the. Vo apni maa aur apni do badi bahanon ke sath shahar ke madhya me pas hi ke ek apartment me rehte the.
Unhone kaha ki shuruwat me to ye sab itna mushkil nahi tha, lekin jab dheere- dheere khana khatm laga , Tab har gujarate din ke saath,jina mushkil hone laga. badi Mushkil se khane ke liye kuch milta tha. kuch din to vo bread ki sukhi papdi khane ke jugad me safal ho gaye , par baaki din unhe bhukha rahna padaa. Shahar me halat bad se badtar ho gaye. Logon ne paltu aur awara janwaro ko khana shuru kar diya. Ve log awara kutto, billiyo ,chuho aur baki ke janwaro ko pakad kar khane lage. Jab janvar nahi bache to fir logon ne ek dusre ko hi khana shuru kar diya. ! haalat bahut hi kharabh the.!
आप पढ़ रहे है नरभक्षी बहनें Narbhakshi Sisters Russian Horror Story.
Building ki pahli manjil par jaha mere dada ji rah rahe the, vaha char apartment the. In sabhi apartments me log rah rahe the. Mere dada ji aur unka parivar pahle apartment mein rehte the. Dosre me ek mahila aur uske do bacche rahte the. Tisre me ek shakhs aur uski patni rahti thi.
Do middle-age ki bahne, jinki abhi tak shadi nahi hue thi, Ve chauthe numbar ke apartment me sath rah rahi thi.
Ek raat mere dadaji bistar par lete the , Us samay vo jaag rahe the, bhookh ke karan unko nind nahi aa rahi thi. Tabhi achanak unhone ek bhayanak chikh suni Aur unhone kisi ko madad ke liye pukarte hue suna, In sab se unka pura pariwar jag gaya tha. Aisa lag raha tha jaise vo aawaje upar ke apartments me se kisi ek apartment se aa rahi thi.
Unki maa yane ki meri pardadi ji unka nam zinaida tha. aur vo bahut hi bahadur aurat thi. Unhone upar jakar dekhne ka nishachay kiya ki aakhir kya ho raha hai. Unhone unko sakht hidayat di ki vo daravaja band kr le aur use kisi ke liye na khole , jabtak ki me nahi aa jati. Vo unhe chodkar upar dekhne chali gayi aur unhone thik vaisa hi kiya jaisa unse karne ko kaha gaya tha.
Galiare me khade hoker unki maa ne dekha ki dusri manjil ke apartment ka daravaja thoda sa khula hua tha. Jisme vo mahila aur uske do bacche rahte the. Zinaida darvaje ke pas dheere se chali gayi aur savadhani se andar ki or jhakne lagi. Par waha jo unhone dekha vo unhe jindagi bhar darane ke liye kaafi tha. Dar ke maare, Vo apne apartment me wapas bhag kar aa gayi aur apne bachcho se vinti karne lagi ki ve jaldi se darwaja khol de.
आप पढ़ रहे है नरभक्षी बहनें Narbhakshi Sisters Russian Horror Story.
Jab mere dadaji aur unki bahno ne daravaja khola, to unki maa teji se andar aayi aur unhone jhat se darwaja band kar diya. Vo teji se saanse le rahi thi aur unka chehra pila pad gaya tha. Unhone unse kaha ki jaldi se iss darwaje ke samne kisi majboot cheez ko rakhne me meri madad karo tabhi me tumhe bataungi ki maine kya dekha tha.
“farsh par, khoon hi khoon tha, aur us par ek kata hua hath pada tha,” unhone kaha. “vaha par khoon ki ek gandi badboo thi aur us apartment ke ek andhere kone se , maine ek ajeeb si chabane ki aawaj suni.”
Yah sunte he unki badi bahan kafi pareshan ho gayi. Mere dada ji itna darr gaye ki wah apne kamre ke bed ke niche jakar chip gaye. Agle din jab unki maa bahar corridor me dekhne gayi, to unhone dekha ki us apartment ka daravaja kafi majbooti se band tha. Sab taraf ek maut ke jaisi khamoshi thi.
Kai haphton ke baad shahar ki halat me thoda sudhar hua. Russian army ne ek chota sa rasta bana diya ,jisse ki supply ko pahucaya ja sake , taaki thoda bahut khana us raste se logon tak pahuch sake. Mere dada ji ke parivar me se koi bhi bhookh se nahi mara, lekin ve sab log kaafi kamjor ho gaye the.
Ek subah, unki maa ne jitne paise the sabhi ikatthe kiye aur ve khane ki talash me bahar nikal gayi.
Jab vo wapas aayi to unhone dekha ki tisre apartment ka darvaja lagbhag tuta hua tha. Is apartment me ek admi aur uski patni rahti thi. Vahan jo kuch bhi hua, uska andaja lagate huye Zinaida ne daravaja khola aur andar jhankkar dekha. kam roshni me, usne dekha ki farsh par do sadi gali lashe padi thi, jinke sharir ka adhikansh mans unki haddiyon se kisi ne nichod liya tha.
आप पढ़ रहे है नरभक्षी बहनें Narbhakshi Sisters Russian Horror Story.
Yah dekhkar unka man ulti karne ko hua. Par vo apne apartment mein laut aayi. Apne bachchon ko iss bhayanak khabar ke bare me batane ke baad, unhone ek bar fir darvaje ko aache se band kar liya. Halanki, Ve lambe samay tak iss tarah nahi rah sakte the. Jald hi, unki bachi-kuchi food supplies bhi khatm ho gayi thi. Ya to unhe khane ka jugad karna hoga ya fir unhe bhookh se marna hoga. Zinaida ne takat jutai aur vo apartment chodne ke liye uthi.
Vo corridor me thoda hi chali thi ki tabhi , Unhone dekha ki jo 4th apartment tha uska darwaja khulta hai. Usme do adhed umra ki bahne rah rahi aur tabhi unme se ek bahan bahar aati hai. Vah aurat asamanya roop se kafi swasth lag rahi thi. Shahar ke sabhi log bhookh ke karan bahut patale aur kamjor the, lekin ye aurat swasth aur yaha tak ki thodi moti bhi lag rahi thi.
आप पढ़ रहे है नरभक्षी बहनें Narbhakshi Sisters Russian Horror Story.
Vo aurat musurai aur usne kaha, “hello” iske baad vo Zinaida ki or aane lagi. Us aurat ka vyavhar use thoda sandehjanak laga, aur usne dheere-dheere piche ki or jana shuru kar diya. Us aurat ke kandhe ki or dekhne par use dusri bahan bhi dikhai di , Jo kaafi creepy tarike se uski or dekh rahi thi. Zinaida ne dekha ki us dusri aurat ke hath me ek badi si kulhadi bhi hai.
Yah dekhkar Zinaida jor se chillai. Vah us corridor me phans gayi thi aur vo vaha se kahi bhag bhi nhi sakti thi. Dono bahne ne unke bhagne ke saare raste band kar diye the.
Unhe apna ant najar aa raha tha. Mere dadaji ki badi bahan ne yah sab dekha.
Usi samay Russian army ka ek group us jagah se gujar rahe the. Sabhi bachcho ne khidki kholkar unhe bulaya, Unhone kaha ki hame madad chahiye.
Vo sainik yah sunkar jaldi hi andar aa gaye. Jab ve first floor par pahuche , to unhone dekha ki do moti aurate ek dubli-patli aurat ko ek kamre me le ja rahi thi.
Sainiko ne apni rifles ko un par nishana lagate hue , unse apne hath upar karne ko kaha. Un dono bahno me se ek bahan ne kulhadi ka nishana un sainiko ki taraf kiya, aur vo unhe marne ke liye aane lagi, ki tabhi ek sainik ne uske sir ke bicho-bich goli mar di. Vo vahi mar kar gir gayi.
आप पढ़ रहे है नरभक्षी बहनें Narbhakshi Sisters Russian Horror Story.
Sainiko ne dusri dono aurato ko farsh par letne ka order diya aur unse puchatach karne lage. Zinaida phoot-phoot kar rone lagi aur unhone bataya ki dono bahane narbhakshi ban gayi thi. Unhone do apartments ke logo ko mar kar kha liya hai aur vo hame bhi mar kar khana cahati thi.
Jab sainiko ne un do apartments ki jach ki to unhe vaha par aadhi khayi Gayi lashe mili ,Isse unhe Zinaida ki baato par Vishwas ho Gaya.
Iss tarah, sainiko ne meri par-dadi aur unke parivar ki jaan bachaaya thi. Un sainiko ne us dusri bahan ko zameen par ghutano ke bal baithne ka adesh diya aur uske sir ke pichale hisse par goli mar di. Us samay insani-mans khane ki saja maut hoti thi.
Ek saal bad, Roose ki sena Germano ko pichhe dhakelane me kamayaab rahi aur Leninagaad ki gheraband khatm ho gayi. Iss ladai ke chakkar me lagbhag 1.5 million se adhik log maare gaye aur lagbhag itne hi sankhya me logo ko apna gharbar chodkar jana pada. Kisi tarah se, mere dadaji aur unke parivaar ne khud ko bacha liya.
To Yah Thi 2nd World War Ki Ek Sacchi Kahani.
So I hope Guys आपको यह Horror Story अच्छी लगी होगी।
पढ़ने के लिए धन्यवाद।
दोस्तों, मैं आशा करता हूँ कि आपको “नरभक्षी बहनें Narbhakshi Sisters Russian Horror Story” शीर्षक वाली यह Real Horror Story पसंद आई होगी। ऐसी और भी Real Ghost Stories In Hindi में सुनने के लिये, हमारे ब्लॉग Horrorstoryhindi.com पर बने रहे। यदि आप YouTube पर Ghost Stories सुनना पसंद करते है तो मेरे YouTube Channel “Creepy Content” को सब्सक्राइब कर ले।
धन्यवाद!